ANANIA LEH SAPHIRI

TIRHKOHTE 5:1-2
Nimahsela, mi pakhat a hming Anania, a nupui Saphiri nên an awm a; Anania chuan ram a hralh a, a nupui hriatin a man a ṭhen a zêp ta a; tin, a ṭhen a rawn keng a, tirhkohte ke bulah chuan a dah a.

Anania leh Saphiri te hi Tirhkohten ‘ram hralh ula, a vaiin rawn pe lût rawh u,’ an ti lo. Peteran Anania chu ram man a ṭhen zêpa Thlarau Thianghlim bum tuma Setanan a tibuai chu pawi a tih thu leh mihring bum a ni lo va, Pathian bum an nihzia a hrilh.

An nupa hian a vaia pe lût anga lang siin dâwt an sawi a, an thih phah ta a ni. Kan Pathian hi Pathian ṭihbaiawm tak; kan ral hmang mei ang a ni a, engkim hmu tlang vektu a ni tih hi i theihnghilh lovang u.

Pathian thianghlim, bawlhhlawhte tlêng fai theitu,
Kan ral hmang mei, hmangaiha khat si;
Diknaa rorêl, khawngaihna tâwp ngai lo,
Ka Pathian ni âwm rêng a ni si.

Engkim hmu tlangtu hmaah fimkhur rawh.