THUATIRA KOHHRAN

THU PUAN 2:19-20
I thiltih te, i hmangaihzia te, i rinzia te, i rawngbâwlzia te, i chhelzia te ka hria, i thiltih hnuhnûng berte chu a tîra mi ai khân a nasa zâwk tih ka hre bawk. Nimahsela, demna che ka nei, hmeichhia Jezebeli, zâwlneinu intii kha i ngaihtheih avângin; ani chuan ka bawihte chu inngaih leh milem biakna thil ei zirtîrin a hruai bo bawk ṭhîn a ni.

Thuatira khua hi B.C. 400-300 inkâr vêla din a ni a. Sumdâwnna hmunpui a ni. Asia rama sumdâwng chi hrang hrang tam berna khua niin an sawi. Ludi, puan sen duk zuartu pawh kha hemi khua hi a ni. Lal Isua hian an thiltih ṭhat tam tak a fak a. Jezebeli zirtîrna — inngaih leh milem biakna sa ei lama lo inhmang bawlhhlawh an awm avang erawh chuan a dem a. Hetiang a ni chung hian amah an hmangaihna te, an rinna te, an chhelna te leh a rawng an bâwl te chu vawng nung zêl tûrin a phût a ni.

Kohhran zînga zirtîrna dik lo leh hrisel lo lo chhuak leh lo lutte hi kan ngaimawh tûr a ni a. Khawvel mî-na hi Kohhran mite chuan pawmzam mai tûr a ni bawk hek lo. Khurbinna rawngkaite hi Pathian mit hmuhah a thianghlim lo a ni tih i hria ang u.