SKEVA FAPATE

TIRHKOHTE 19:14-15
Tin, Juda mi, puithiam lal pakhat, Skeva chuan chutiang ti ve ṭhîn fapa pasarih a nei a. Nimahsela, ramhuaiin an hnênah, “Isua ka awih e, Paula pawh ka hria e, nangni erawh chu tu nge maw in nih le?” a ti a, a chhâng a.

Pawisa hmuh nân a ramhuai zawl hnawhchhuah tum a vâk ṭhin ten, Paula tih ṭhin angin Isua hmingin ramhuai paite an vau ṭhin. Juda mi, puithiam lal pakhat, Skeva fapa pasarihte pawh chutiang ti ṭhin zînga mi an ni. Ramhuai hnawhchhuah an tumna lamah ramhuai pâi chuan a zuan a, an za chuan a hneh a, chumi in ata chu saruak leh inhliamin an tlân chhuak ta hial a ni.

Ephesi khua dawithiam ṭhenkhat an inhmuchhuakin thupha an chawi a. An dawi lehkhabute rawn lain an hâl a, a man chu chêng sîngnga man lai a ni a. Tunlai hun ni ta se a tam ngawt ang. Isua hnung kan zui dâwn chuan chân ngai kan nei ve ngei ang le. Engtin nge i tih dâwn?

Isua hming kan lamin,
Ramhuaiho an tlân;
Kristian sipaite u,
I hneh zêl ang u.

Lalpa ṭih la, a hming pawh zah bawk rawh.