ENGKIM IN TA

1 KORINTH 3:21-23
Chuvângin, tu mân mihringte chhuang suh se. Engkim hi in ta a ni vek si a; Paula emaw, Apollova emaw, Kipha emaw, khawvêl emaw, nunna emaw, thihna emaw, thil awm sa emaw, thil lo la awm tûr emaw, a zavaiin in ta vek a ni; nangni pawh Krista ta in ni a; Krista pawh chu Pathian ta a ni.

Tirhkoh Paula hian engkim kan ta a nih thu chiang takin min hrilh a. Engkim kan ta a nih chuan hausakna kan ta a nih rualin retheihna pawh kan ta a ni a, damna kan ta a nih rualin dam lohna pawh kan ta a ni a, nunna kan ta a nih rualin thihna pawh kan ta a ni tihna a ni.

Mihringte hi ran ang chauh nihna lai kan nei a. Kan ṭhenawmah thihna a thlen pawhin thi ve mai thei tûrah kan indah thei ngai lo fo. Mi ta nia kan ngaih hi kan ta a lo ni ve thei vek tih hria ila. Kan in chhûngah a lo thleng ve a nih pawhin thiam taka lo dawngsawng thei tûrin kan rilru i buatsaih hlawm ang u.