‘A NI LO’ CHU ‘NI LO’

MATTHAIA 5:37
Nimahsela, in thusawi chu ‘a ni’ chu ni, ‘a ni lo’ chu ni lo ngawt rawh se; chûng aia chuang aliam chu sual laka chhuak a ni.

‘A lai Bu‘ (hmanlai Primary Sikul zirlaibu)-ah chuan George Washingtona’n hrem pawh hlau lova a hreitea a pa thing duh tak a lo kih thlûk a puan thu kan zir a, thudik a ṭan ngamna hi a entawn tlâk hle a ni. Thudik ṭan ai chuan tlânchhiat mai hi awl tak a ni. Thu dik hlel dawt vâr (white lie) te kan han nei leh zel a.

Abrahaman a sahim duhin a nupui chu,’ka farnu’ ṭum hnih ngawt a ti a, a tâl buai phah hle mai. A farnu a nihna ai chuan a nupui a nihna kha a hnai zâwk a, sawi zâwk âwm tak a ni, Pathian thu chuan nupa chu pumkhat a ti hial si a (Gen 2:24, 12:18, 20:2). Abrahama, rinnaa kan pa pawh khân a tisual ve zauh ṭhin. Harsatna kârah thudik kan ṭan ngam em? Thudik chanve sawi kan chîng em?

Thudik leh saihlum a ngêt ngai lo,
Thudik ṭan fo rawh
A tlo nge nge.

Thudik ṭanna kawng hi kawng awlsam a ni lo.