MARI

LUKA 1:38
Marin “Ngai teh, Lalpa bawihnu ka ni, i thu ang zêlin ka chungah thleng rawh se,” a ti a. Tin, vântirhkoh chuan a kalsan ta a.

Mari hi Galili rama Nazareth khaw nula, Josefa (thingrem siamtu Mt 13:55) nupui hual a ni. Vântirhkoh Gabriela’n Marin Fapa a hring ang a, a hmingah Isua sak tûr thu a hrilh a. Mipa a neih loh avângin nau a pai theih dân tûr a hrethiam lo. Vântirhkoh chuan Thlarau Thianghlim a chunga a lo thlen tûr leh Chungnungbera thiltihtheihnain a hliah khuh tûr thu a sawi bawk.

Mari inhlannain a ken tel te —

1. Mite rêl phar leh hmuhsit.
2. Josefa’n nei duh leh ta lo se.
3. Lunga den hlum.

Heng huam hian Lalpa thuawih bawihah Mari hi a inpe. Lapa thu hi eng chen chiah nge kan zawm i inngaihtuah ang u. Mari thuawihna leh inhlanna hi kan nun kaihruaitu lo ni zêl rawh se.

I ruala kal dân min zirtir la,
‘I thu ni se,’ ka dam chhûng hlaan;

Mari nun aṭangin rinna leh thuawihna i zir ang u.