NAUSEN SUAT

MATTHAIA 2:17-18
Chutih lai chuan zâwlnei Jeremian, “Rama khuaah thâwm an hria, Ṭap te, mitthi ngaia chiau vawng vawng te; Rakili chuan a fate a ṭah a, An awm tawh loh avângin a thlamuan theih loh,” tia a sawi kha a lo thleng ta.

Heroda’n Sanhedrin hote nuai bovin, Court officer 300 lai a that a. A nupui Miriamne-i, a nu Alexandra, a fate Antipater-a, Alexander-a leh Aristobulus-a te a that bawk. Mipuiin an ngaina lo tih a inhria a, ṭahtu nei dawn lova a inhriat avângin a thih ruala thah tûr Jerusalem a mi challang a buatsaih lâwk vek a, amah ṭah kher lo mahse mitthi sûnin nasa takin an ṭap dâwn a ni tih a ngaihtuah a ni. A nunrâwn dân enin mipa naupang kum hnih a chin hnuai lam sawmthum chuang vêl a that nia sawi pawh hi a âwm hle. Heroda ang hian mi tam tak chuan Isuan an nun a tihbuai dâwn chuan tihbo an hreh lo. Eng nge nang i an ve le?

Ka hmaah ngei hian khaw dur thleng mah se;
A phênah malsâwmna a awm tih min hrilh kha,
Manna thuhrûk chang ngei tûrin;
Ka dâi zêl dâwn e, harsatna zawngte.

Tuarna aṭangin malsawmna a thleng ṭhin.