HMING THA HLUTNA

JOHANA 17:26
An hnênah i hming ka hriattîr a, ka hriattîr zêl ang; hmangaihna, keimah min hmangaihna ngei kha anmahnia a awma, kei anmahnia ka awm theih nân,” a ti a.

Vawikhat chu police-ten pa pakhat ipte aṭangin pawisa a rûk vangin misual, rûk hmang an man a. Misualpa chuan ei tur a neih loh avang te-a thil ru mai ṭhin a nih thu a sawi a. Jail aṭanga a chhuah chiah avangin hna a zawn pawhin tumahin hnathawka an chhawr duh loh avangin hna thawh tur a neih loh thute a sawi a.

Engpawh ti dawn se, a hming a chhiat tawh avangin tumahin an ring lo a, an chhawr duh lo a ni. A pawisa rûk sak pa chuan, “A ni maw, ka hming hi keichuan ka la tichhe lo a, hming hliauna tur sual lian tak pawh ka la ti lo a, chuvangin ka hming hi ka hawh tir ang che, uluk takin enkawl la, tichhe reng reng suh ang che” a ti ta a.

Chu misualpa chuan sumdawng pa hming chu a pu ta a, a hming avang chuan miten an ring ta a ni.

Kum 15 a liam hnu chuan office assistance chuan a pu hnenah, “Ka pu, mi pakhat, hmel felfai takin a hmu duh che” a rawn ti a. A hming a zawh chuan an hming a lo inang reng mai a. Chupa chu office chhûngah chuan a rawn lut a, tihian a rawn ti a, “Ka pu, tunah chuan Firm lian tak hotu ka lo ni ta, kum 15 liamtaah khan i hming min hman tir a, vawiin thlengin ka tichhe lo va, i hming chu inchherchhuah nan ka hmang a, ka lâwm takzet a ni” a ti a.

Hming mawi tak leh ṭha tak nei mah ila, Eden huana bawhchhiatna avângin kan sualna leh bawlhhlawhna a bo chuang lo, mahse Lal Isua chuan min hmangaih avangin hming thar, nihna thar duhawm tak min neih tir a, chu hming thar leh nihna thar chu rinawm taka vawnga enkawltute chuan hlawhtlinna, malsawmna vawiin aṭanga chatuan thlengin an chang dawn a ni.

HEBRAI 2:12 – “Ka unaute hnênah i hming ka lam ang a. Kohhran zîngah i fak hla ka sa ang,” a ti a.