HALLELUIA

THUPUAN 19:4
Upa sawmhnih leh pali leh thilnung palite chu an bawkkhup a, lalṭhutthlênga ṭhu Pathian chu chibai an bûk a, “Amen, Haleluia,” an ti a.

‘Halleluia’ tih hi Hebrai ṭawng a ni a, ‘Lalpa chu fak rawh u’ tihna a ni. Halleluia tih hi vân mite leh khawvêla hnam ze tinrengten kan inṭawm tlân a ni.

Biak in leh lênkhawmna vêla han Hallelui hi tam tak chuan zahah kan la deuh va. Nuho leh mihlim kan tih mai ho tih tûrah kan dah deuh niin a lang. Pathian ropuizia te, a ṭhatzia te, fak a phuzia te leh Lal Isuan chhandamna min thawhsak ropuizia leh amah avânga kan chan a ropuizia te hi kan hre tâwk lo deuh em? Hallelui pawh pe ngam lote hi Lal Isua hminga mualpho ngam lo kan ni em? Vân lama upate meuh pawhin bawkkhupa ‘Amen, Halleluia’ tia fakna leh chawimawina an pêk theih laia lei lama rawngbâwltuten nuho leh mihlim tih tâwk vêla kan ngai hi a dik ang em? Kan lo inzir lâwk ve deuh chu a ṭha lo’ng maw le?!