PATHIAN HMANGAIHNA

1 JOHANA 3:1
Ngai teh u, Pain min hmangaihna chu a va nasa êm! “Pathian faahte” min vuah tâk hi;

Sunday School zirtirtu hnena hming ziak turin hmeichhe unau pahnih hi an kal a. Zirtirtu chuan an kum leh pianni a lo zâwt a. A lian zâwk chuan, “Kum 7 ve ve kan ni a, April ni 8 ah ka piang a, ka unaunu hi April 20 ah a piang thung” a ti a.

Zirtirtu chuan, “Bawihte i hresual a ni lo maw” tiin a zâwt lêt a. Pakhat leh chuan, “Ka pu a dik alawm, tu emaw zâwk hi falâk (adopted) kan ni a” a ti a. Zirtirtu chuan, “A ni maw, tu zâwk nge min hrilh thei em?” a ti a.

An unau chuan an inen a, an nui sak a. A lian zâwk chuan, “I zawhna hi hmanah pawh ka pa kan zâwt fo ṭhin a, mahse min chhân a hnêkin min hmangaih ve ve thu a sawi fo ṭhin a, kan pahnih ah hian tu zâwk hi nge a falâk a hrethei tawh lo a ni” tiin an chhâng a.

Chu hmeichhe naupang pa hmangaihna chu a va nasa êm!!

Hei aia ropui zâwk hmangaihna chang kan ni lo em ni!! Pathian faa vuah tlâk loh mai ni lo, nung tlâk lo kan nih lai pawha Fapa Isua Krista thisen avânga Fa tak tak “Pathian faahte” min vuah tâk hi.

Kan awm ang angin ani chuan min pawm a, sual kawng thûk tak zawh tawh mah ila, min hmangaihna a ngai reng a, kan bo hlen a phal lo.

Misual kan nih lai pawhin a hmangaihna chu a dai lo va. Min hmangaih êm êm a ni.