TIHHREHAWMA AWM HLÂWKNA

Sam 119:67,71
Tihhrehawma ka awm hma khân ka vâk bo ṭhîn a; Tûnah erawh chuan i thu ka zâwm ta. I thuruatte ka zir theih nân Tihhrehawma ka lo awm kha ka tân a ṭha a ni.

Pang a dam ṭhat a, duh lam lam hawi theih hi chuan Pathian ngaihsak loh mai a awl hle ṭhin. He Sam phuahtu pawh hi khawvêl taka a lo tlân ṭhinna aṭangin tihhrehawmin a lo awm a. Chuta ṭang chuan Lalpa lam a lo hawi ve leh a. Lalpa dân leh remruat a zawm theihna tûra a nun sawizawia a lo awm a ṭhatzia testimony a nei ta zâwk a ni. Hla siamtuin –

Van lawmna kim ka neih theih nan,
Lei lawmnate min ṭhiahsak a;
Van nun hlutzia ka hriat theih nan,
Hringnun nepzia min hriattîr ṭhin

a tih hi a dik hle ṭhin a ni. Nuam leh hlimawm kan tihna aṭang hian thlarau malsawmna dawn a har ṭhin a. Natna te, harsatna te, tlâkchhamna te leh thihna hial lo thlengte hi Lalpa kan hmuh fiahna tûr tarmit a lo ni zâwk fo ṭhin a ni.