A FA-AH VUAH

I Johana 3:1
“Ngai teh u, Pain min hmangaihna chu a va nasa em! Pathian faahte’ min vuah tak hi”

Sunday School zirtirtu hnena hming ziak turin hmeichhe unau 2 hi an kal a. Zirtirtu chuan an kum leh pianni a lo zawt a. A lian zawk chuan, “Kum 7 ve ve kan ni a, April ni 8 ah ka piang a, ka unaunu hi April 20 ah a piang thung” a ti a.

Zirtirtu chuan, “Boihte, i hresual a ni lo maw” tiin a zawt lêt a. Pakhat leh chuan, “Ka pu a dik alawm, tuemaw zawk hi falâk (adopted) kan ni a” a ti a. Zirtirtu chuan, “A ni maw, tu zawk nge min hrilh thei em?” a ti a.

An unau chuan an inen a, an nui sak a. A lian zawk chuan, “I zawhna hi hmanah pawh ka pa kan zawt fo thin a, mahse min chhan a hnekin min hmangaih ve ve thu a sawi fo thin a, kan pahnihah hian tu zawk nge a falâk a hrethei tawh lo a ni” tiin an chhang a.

Chu hmeichhe naupang pa hmangaihna chu a va nasa em! Nimahsela, hei aia ropui zawk hmangaihna chang kan ni lo em ni! Pathian fa-a vuah tlâk loh mai ni lo, nung tlak lo kan nih lai pawha Fapa Isua Krista thisen avanga Fa tak tak “Pathian faahte” min vuah tak hi.

Kan sualte avanga thi tur kan ni a. Pathian thilthlawn pek hmangaihna erawh chu kan Lalpa Isua Krista zarah chatuan nunna a ni. Rom 6:23-ah chuan, “Sual man chu thihna a ni si a; Pathian thilthlawnpek erawh chu, kan Lalpa Krista Isua zarah chuan, chatuana nunna a ni” a ti.

Nghing ve ngai lo, ral thei lo, tâwp thei lo, tawih thei lo, bo ve ngai lo chu Pathian hmangaihna hi a ni.