ZIRTÎRNA DIKLO LAKA FIMKHUR

MATHAIA 24:4-5
Isuan a chhâng a, “Tu man an hruai bo loh nân che u fîmkhur rawh u. Ka hming chhâlin ‘Krista chu ka ni,’ tiin mi tam tak an lo chhuak dâwn si a, mi an hruai bo ṭeuh ṭeuh vang.

Lal Isuan fîmkhurna tûr tam tak min zirtîr zînga pakhat chu zirtîrna dik lo laka fimkhur thu a ni. Kohhran a din aṭanga rei loteah khan zirtîrna dik lovin Kohhran a tibuai chho va. Tûn thleng pawh hian Setana hmanraw pawimawh tak pakhat a la ni.

Zirtîrna dik lo kan hriat theih dân tûr langsâr zualte chu – Kohhran an ngaisâng lo va, hlauh apui an ngah bawk a, a ṭhen chuan inkhâwm, ṭawngṭai leh thilpêk an ngaisâng lo va, an intikhâwm lêt lêt a, khawhar inte hi pâwl zawn nân leh inhrîkthlâk nân an hmang fo ṭhin. Chanchin Ṭha hril aiin pâwl ram an dah pawimawh zâwk a, Krista aiin anmahni an indah pawimawh bawk ṭhin. Kohhran kalphung pangngai kalsana kawng dang rek hote hian an fate hmâ khua pawh an ngaihtuah thiam lo niin a lang a, a pawi hlê a ni.