RIN LOHNA SUAL LAKA FÎMKHUR

HEBRAI 3:12
Unaute u, fîmkhur rawh u, chuti lo chuan Pathian nung tlûksan tûrin tu thinlungah emaw rin lohna sual a lo lût dah ang e.

Hebrai ziaktu hian Kristian sakhua aṭanga Juda sakhuaa kîr leh chu Pathian nung bânsanna ni hiala hriain fîmkhur tûrin Hebrai Kristiante hi a chah a ni.

Mizote hian sakhaw hmasaa kîr lehna tûr hran kan nei tawh lêm lo va. Amaherawhchu Pathian nung kan rinna bânsan a, sual rawngbâwl tûrin Setanan min thlêm fo ṭhin. Camping leh Crusade pawh kan nei tam ta malh malh hlawm khawp mai. Mizoram mipui ai hian piang thar tawh hi an tam daiha sawite pawh a ni ṭhin. Kan rawngbâwltute mawhpuh tûr pawh a awm chuang lo. Keimahni ṭheuh hi kan fîmkhur tâwk lo va, kan ṭhiante hmanga thlêmna chi hrang hranga min thlêmte hi Setana hnêna tlûkluh leh phah nân kan hmang a, a pawi êm êm ṭhin a ni. Pathian nung bânsan tura min thlêmtu hi hmêlma a ni tih hriain, i do tlat ang u.