DÂWT SAWI

THUFINGTE 25:18
Mahni ṭhenawm dâwta hêktu chu Tuboh leh khandaih ang a ni, thal zum tak nên.

Tuboh te, khandaih te leh thal te chu hmânlaia mi nunna lâksak nâna an hmanraw ṭha te an ni a. Dâwt sawiin mi dang pawi a khawih nasat theihzia tehkhin nân Thufing ziaktu hian a rawn hmang a ni. Dâwt sawi hreh chu sawi tûr an awm nual ang a, dâwt sawi ngai lo chu awm har tak a ni ang. Dâwt kan sawi fona chhan tlângpuite chu kan nih loh anga lan kan tum vâng te, hlâwk kan tum vang te leh mi hmuha mawia lan kan duh vângte a ni fo. Pathian aiin kan mihringpuite kan vêngthâwng zâwk ṭhin hi thil pawi tak a ni.

Dâwt sawi hian mihringte min tidawizep a, mualphona min thlentu a ni bawk ṭhin. Kan Bible-in min hrilh ang hian dâwt sawi kan chîn chuan mi dangte pawi nasa takin kan sawi tihna a ni.

EFESI 4:25
Chutichuan, dâwt sawi bânsan ula, Krista taksa pêng kan nih ṭheuh avângin mahni ṭhenawmte chu thu dik chauh hrilh rawh u.