ZILHHAUNA

HAGAIA 1:5
Engkim Lalpa chuan heti hian a ti: “In awm dân hi ngun takin chhût teh u.

Tlangval hausa tak, hlawhtling tak mai hi vawi khat chu a Jaguar car tharin a lêng kual a.

Kawng pengṭhuam a thlen chuan naupang an lo kal hlauin muang chângin a tlân a, mahse a car thar kawngkhar chu brick hian a rawn dêng ṭhuai mai a.

A ding a, naupang pakhat hi a rawn lang a. Tlangval chuan, “Tunge i nih? Eng vanga rawn vawm nge i nih? He ka car thar i vawm chhiat man hi tam tak asin” a ti a.

Naupang chuan, “Ka pu, ka tih palh, ka vawm mai loh chuan tumah an ding duh lo va” a ti a. Ṭap ṭuau chung chuan, “Helai âwiah hian ka unaupa chu a wheelchair aṭangin a tla a, keimahin ka la chhuak zo si lo. Ka pu khawngaihin min pui thei ang em?” a ti a. Tlangval chu a ngawi vang vang a, tichuan chu naupang unaupa chu a ṭanpui ta a ni.

A tlân haw a, a car kawngkhâr chhia chu siam a tum lo. A chhan chu midang ṭanpui lovin mahni hringnun lamtluang chak takin a hmang leh ang a, Brick-a vawm harh kher a ngai leh ang tih a hlauh vang a ni a, chu chu hriatchhuah a duh fo vang a ni bawk.

Pathian pawh hian kan thinlungah thu a rawn sawi a, kan ngaihthlâk duh loh châng phei chuan na taka Brick-a min vawm châng a nei ṭhin.

Kan kawngte hi i chhût ngun ang u. Ding rawh, ding rawh tia min koh din theih loh hun a thlen hma hian.