KAWNG I NI

JOHANA 14:6
Isuan a chhâng a, “Keimah hi kawng leh thutak leh nunna chu ka ni; keimaha kal lo chu tu mah Pa hnên an thleng ngai lo.

Kawng chi hrang hrang a awm a. Lal Isua sawi erawh chatuan nunna kawng a ni. Chu chatuan nunna kawng chu pakhat chiah a awm a, amah Lal Isua kawng zawh chu a ni. He khawvêla kan kawngte ang hi a ni lo va. Hmun hrang hrang aṭanga thlen theih a ni lo a ni.

Indopui pahnihna lai khan Malaya ramah loneitu fel tak pakhat hian indo avânga tân in aṭanga tlânchhuak mi pakhat hi a ṭanpui a. Tân in aṭanga rawn tlânchhuak sipai chuan a him theihna tûr hmun hnai berah hruai turin loneitupa chu a ngên a.

Tichuan, ramhnuai pilril takah chuan an inhruai a, tlâng leh khâm kârah te an kal zêl a. Mihring kal ngai lohna hmunah te chuan an kal zêl bawk a. Thui tak an kal hnu pawh chuan sipai chuan an kalna tûr a hre lo va, a hah tawh em em mai bawk si a. A mangang chuan loneitupa hnênah chuan, ‘Ka pu, kan kalna kawng hi a dik em?’ tiin a zâwt ta a.

Loneitupa chuan, “Kawng dang a awm lo, kei hi kawng chu ka ni mai, min zui zêl phawt mai rawh” tiin a chhâng a.

He khawvêlah hian kan duh dânin kawng kan zawh thei, ke kan pên thei, mahse kawng dik zawh tûrin min hruaitu tûr kan mamawh a ni. Kawng awmchhun leh min hruaitu atân Lal Isua kan thlang tûr a ni.

MATHAIA 7:13-14
“Kawngka zîmah chuan lût rawh u, boralna kawngka chu a zau va, a kawng pawh a nuam a, chumi lama kalte chu tam tak an ni. Nunna kawngka erawh chu a zîm a, a kawng pawh a chêp a, a hmutute pawh tlêm tê an ni.

Kawng dik chu hrehawmin bumboh mah se a tâwpah erawh hlimna leh lâwmna hmunah min hruai thleng ṭhin.