PATHIAN AU RAWH

HEBRAI 13:5
“In thil neih chhun chungahte chuan lungawi rawh u; amah ngeiin, ‘Engtikah mah ka thlahthlam tawp lo vang chia, kal pawh ka kalsan tawp lo vang che,’ a ti si a.”

Hringnunah hian vawi tam tak lungngaihna leh manganna te kan tâwk ṭhin a. Chu dinhmun aṭanga tlânchhuak thei tawh lo va, chu harsatna chu sukiang thei tawh lova inngai mi tam tak an awm bawk ṭhin. Chungte chuan he khawvêlah nun hman awmzia hre tawh lovin mahni an intihlum fo ṭhin a ni.

He beidawnna ruamah kan din lai hian Setana chu thlarau sual nen rawn kalin Pathian hmêl kan thlîr theihna tûr atâna hmanraw awm te lâk bo a tum a, thah a tum a, tichhiat a tum ṭhin.

Ngaihtuahna a vir mup mup a, rilru a insual a, khawi lam hawi zâwng pawh ngaihtuah ila a zahthlâk a, a na bawk a, a thinrim thlâk a, ‘engatinge kei kher’ tiin Lal Isua-a thlamuanna hmêl duhawm thlîr a har aiin mahni kan inthlîr a, chu lai tak chu hmêlma pa min beih duh lai a ni a. Chûng hun chu kan tawng a nih chuan heng Bible bung leh châng te hi chhiar tûr a ni.

1. Pathian leh a thu chu ring tlat ang che. Hebrai 13:5,8; Isaia 15:11
2. Thlarau Thianghlim aw chu ngaichâng reng ang che. Johana 10:27
3. Mahni invêng tlat la. Thlarau Thianghlim puihnain beidawnna sual beihna chu bei lêt ang che. Jakoba. 4:7; 1 Joh. 4:4

Hêng Pathian thu aṭang hian mi tam tak chhanchhuah an lo ni tawh a. Pathian hnathawh avângin keini pawh chhanchhuah kan ni ang. Huaisen tak leh fing taka awmin Lal Isua hmingin hnehna kan puang zêl dâwn a ni.

JOHANA 10:27
Ka berâmten ka aw an hria a, kei pawhin anni chu ka hria a, mi zui ṭhîn.