SETANA

THUPUAN 12:9
Dragon lian pui, rûlpui tar, Diabola leh Setana an tih, khawvêl pum bum ṭhîntu chu an paih chhuak a, a hote nên chuan leiah an paih thla ta a.

Setana hi a tîrah chuan Pathian vântirhkoh chungnung ber zînga mi a ni a. A nihna duh tâwk lovin Pathian lalṭhutthleng a chuhpui a, vân indona a lo awm a. Setana lam ṭang te nên leiah paih thlâkin an awm ta a ni.

Setana sawina hming chi hrang hi 25 chuang zet a awm. A nihna chi hrangte chu – thil siam, mi nung, thlarâu, sual tinrêng pa, hmêlma pa, thlêmtu, thim thuneihna lalpa, nunrâwng, sawichhetu a ni. Setana hian thlêmna, sualna, bumna, hêkna, tihduhdahna, dodâlna, thihna, thatchhiatna, hurna, mut tui lohna, thinchhiatna, chapona, îtsîkna, nunrâwnna, mahni intihhlum duhna, duhâmna, kam tamna, mumang, hlauhna chi hrang hrang etc. hmangtein hna a thawk a. A râlthuam a tung ve mai mai ngai lo va, chhum lo chat lovin min tihchhiat tumin a ho ramhuaite nen ringtute min bei ṭhin.