MAMAWH TINRENG MIN PE

MATHAIA 6:8
Anmahni angin awm suh u, in dîl hma pawhin in Pa chuan in mamawhte chu a hre si a.

Hei hi thil thleng tak tak a ni a. Lalpa kan Pathian chuan kan mamawh min phuhrûk sak ṭhin.

German rama lo neimi, Dobry leh an chhûngkaw chanchin a ni a. Warsaw bulah an chhûngkua chuan rethei takin an khawsa a, an retheih êm avangin an in luah man pawh an pe thei lo ṭhin.

An inluah neitupa chuan a hnawtchhuak ta hial mai a. Dobry-a chuan tihngaihna dang a hre si lo, an awmna bula Biak in hnai berah chuan va kalin a va inkhâwm a. Pathian hnênah tihtakzetin an chhûngkaw harsatna chu a thlen ta a.

Tichuan, inkhâwm an bân chuan pâwnah Choâk hmâna an bula khawsa ve ṭhin chu a rawn lang leh hlawl mai a, lunghlu leh ngûn man to tak tak a rawn awrh a, chu chu Dobry-a te chhûngkaw tân a lo ni.

An han ngaihtuah lêt chuan hmânah an ram lalin a rangkachak ngûn a tibo a, chu chu Dobry-an chharin Lal hnênah chuan a pe lêt leh a, chu chu an Lal chuan hre rengin lâwmthu sawi nân heng thilte hi a rawn pe lêt ve ta a lo ni a. Chu lunghlu chu sum tam takah siamin Dobry te chhûngkaw mamawh chu phuhrûk a lo ni ta a ni.

FILIPI 4:19-ah chuan, “Ka Pathian chuan Krista Isuaa a hausakna ropui tak aṭangin in mamawh tinrêng a pe ang che u.” tih kan hmu.

Kan ei leh in, silh leh fên tûr avangin kan thlaphâng tûr a ni lo a. Chung min petu Pathian kan nei tih hlauh zâwk tûr a ni.