RAMHUAI

Luka 8:30
Tin, Isuan, “I hming eng nge ni?” tiin a zâwt a. Tin, ani chuan, “Nuaia,” a ti a (a kawchhûnga ramhuai tam tak an luh avângin).

Thuthlung Hluiah aiin Thuthlung Tharah ramhuai chungchâng sawina kan hmu tam zâwk a, Chanchin Ṭha hmasa pathumah hian a lang tam zual niin a lang. Ramhuaiho hi Juda lehkhathawna ‘Vantirhkohte anmahni tirhkoh nihna pawm lova, an awmna pangngai kalsan zawkte’ tia kan hmuh hi niin a lang. Ramhuai hi thlarau sualho, Pathian laka helhote an ni.

Ramhuaiho hian hnathawh dân leh mawhphurhna chi hrang hrang an nei ve niin a lang a; mihringah pawh ṭawng theih loh tîr zâwng te, ât tîr zâwng te, phûngzâwl tîr zâwngte pawhin an thawk bawk a. Zu, drugs, hurna, sum ngainatna leh thil dang dang zâwnga thawk pâwlte pawh an awm niin a hriat bawk. Ramhuaiho hian mihring chunga thiltihtheihna engemaw chen chu an nei ve a, mah se Lal Isuan a hneh tawh an nih avângin ringtu tân chuan hlauh tûr a ni. Lal Isua hming kan lamin an tlanchhe ṭhin a. Lal Isua hminga hau ṭhin tûr an ni.