NAUPANG ZIRTIR

THUFINGTE 22:6
Naupang chu a kalna âwm kawngah chuan zirtîr ula, A upat hun pawhin a thlah lo vang.

Tunlaia hmasâwnna lo ṭhang chho zêl hian sualna a tipung tual tual a, chu chuan naupang nun pawh sualna lamah nasa takin a hruai mêk zêl a. Nu leh pa tam tak chuan an en atân leh an tih atâna ṭha tûr leh ṭha lo tûr pawh kan thliar hrang thiam lo va, naupang zâwkten min bum min bum ta mai niin a lang. Nu leh pate pawhin ‘Ka mâwl khawp a’ ti ringawt lovin kan beng i chhi zâu ve zêl ang u.

Kohhran hrang hrang Naupang Sunday School kalpui dân pawh hian tunlaia naupangho mamawh hi a phuhrûk zo ta lo hlê niin a lang a. Chuvangin naupangte tâna hun puma rawngbâwl tûr inrawihte hi a va hun ta êm! Naktûka Zoram Kohhran hmêl tûr vawiina mite hian kan chher a ṭûl tak zet zet a ni. Samari mi ṭha chanchina kan hmuh ang deuh khân, kan fate hian an kawm ngeih êm êm thil chi hrang hrang aṭangte hian tawhsual an tâwk nasa a, chhanchhuah mamawhin min nghâk mêk a nih hi! Ṭawngṭaina nên i ṭang zêl ang u.