THLARAU RAH – INSÛMTHEIHNA

GALATIA 5:22-23
Thlarau rah erawh chu hmangaihna te, hlimna te, remna te, dawhtheihna te, ngilneihna te, ṭhatna te, rinawmna te, thuhnuairawlhna te, insûmtheihna te a ni zâwk e.

‘Insûmtheihna’ tih hi ‘mahni inthununtheihna’ tih emaw ‘mahni inhneh’ ti pawhin a sawi theih âwm e. Mahni inhneh chuan khawvêl a hneh a ni ti te pawhin an lo sawi hial ṭhin. Zûk leh hmuamah te, zu leh ruihhlo lakah te, sex-ah te, duhâmna lakah te, etc. insumtheih a ṭul hle ṭhin. Kan Lal Isuan thlalêra thlêmna a tawh khan Thlarau rah – insûmtheihna hi nei lo se chuan khawvêl hi Setana kutah a awm ngei ang.

Keini pawhin thlêmna kan tâwk ṭhin a. Thlarau rah – insûmtheihna kan neih chuan sual thiltihtheihna kan titlâwm zêl tihna a ni dâwn a ni; insûmtheihna kan neih loh erawh chuan Setana thuhnuaiah awmin kan chan a chhe tawlh tawlh mai dâwn a ni. Insûmtheihna hi ringtu hrisêlna leh hausakna thurûk a ni.