PATHIAN ZAWNG

LUKA 11:10
A dîl apiangin an dawng ṭhîn, a zawng apiangin an hmu bawk ṭhîn. Tu pawh a kik chu an hawnsak dâwn a ni.

Blaise Pascal-a chu mathematics thiam tak niin Modern Mathematics hmuchhuaktu a ni a. Miten an ngaisang a, a thiamna avângin chawimawina pawh a dawng hial a ni.

A hlawhtlinna leh chawimawina dawnte avângin a nun a hlim chuang hauh lo mai. A nunin awmzia a nei lo va, nun hian chhan a nei tlatin a hria a, thawkkhat lai kha a buai takzet a ni.

Pathian tak tak a zawng ta a, hun rei tak a zawn hnu chuan Kristiante Pathian chu a hmu ta a. A piangthar ta a.

Pascal-a chuan tihian a sawi, “Pathian hi Mathematics thiamte Pathian a ni a. Lehkha thiamte leh mifing berte Pathian a ni a. Abrahama Pathian, Isaka Pathian, Jakoba Pathian leh ka Pathian a ni. Ka rilruin Pathian hi ka chhar mai lo a, ka thinlungin a chhar a, a thlauh phal tawh lo a ni. Ka nun zawng zawng hi amah hmangaih tûrin ka hlân a. Pathian hmangaihna chu a ropui em em a, keima’n ka chhar a ni lo a, ama’n min zawng chhuak zâwk a ni” a ti.

Lalpa’n tu nge tih danglam theih loh a neih. Lal Isua’n amah zawngtu tu nge a hnar kan hre tawh em?

Isaia 55:6 ‘Hmuh theiha a awm lai hian Lalpa chu zawng ula, A hnaih lai hian amah chu ko rawh u.’

Sam 105:4 ‘Lalpa chu zawng ula, a chakna dîl rawh u, Ani chu pan fo rawh u.’

Deuteronomy 4:29 ‘Mahse, chûng ram aṭang chuan, Lalpa in Pathian in ṭih takzeta, rilru zawng zawng nêna amah in zawn chuan in hmu leh ang.’

TIRHKOHTE 17:27
Pathian an zawna, an dap an dapa, an hmuh fuh hlauh theih nân a ti a ni; ani chuan min hlat lo ṭheuh si a.