MI RETHEI LAINAT
THUFINGTE 14:21
Tu pawh ṭhenawmte hmusit chuan thil a tisual a ni; Mi rethei lainattu erawh chu a eng a thâwl e.
Mother Teresa kha Khuswant Singh-a’n, “Engtin nge phârte leh natna ṭha lo tak tak neite i kianga i hruai khawm a, i enkawl theih?” tiin a zâwt a. Mother Teresa chuan, “Mi tin chhûngah Isua ka hmu a, mi rilṭâm chu Isua rilṭâm niin ka hmu a. Damlo chu Isua dam lo angin ka hmu a. Tichuan, phârte leh damlote chu Isua ka enkawl angin ka enkawl ṭhin a ni. Isua ka hmangaih angin anni pawh ka hmangaih a ni” tiin a chhâng.
Kan Bible-in a huat êm êm chu mi retheite rahbeh leh an chanvo lâksak hi a ni. Kan ramah pawh hian mi retheite kan ngaihsak tâwk lo fo niin a lang. An chanvo tûr hmanga in ṭha lo sak ve ngawtte hi thil dik a ni lo. Mi rethei leh chanhaite dik taka rorêlsak a, dik lo taka awpbehna aṭanga chhuahtîr hi Kohhran Mission pawimawh tak a ni. Kan chhûngkua hi mi retheite lam ṭang nge kan nih an thau sawhsaktu?
