PATHIAN NUNG PAKHAT

HEBRAI 1:3
Ani chu a ropuina êng leh, a tak anpui ngei leh, ama thiltihtheihna thua engkim tungdingtu niin, sualte a tlen fai hnuin chung lama Ropuibera ding lamah khian a han ṭhu a.

1 TIMOTHEA 3:16 – ‘Kan sakhaw thurûk rilzia hi hnial rual a ni lo ve: Ani chu tisa puin a lo lang a, Thlarauvin a dikzia a tilang a, Vântirhkohte pawhin an hmu a, hnam tin zîngah puan darh a ni a, khawvêl puma miin an ring a, Ropui taka lâk chhoh a ni ta.’

General Lew Wallace-a chu rêl-ah chuangin hmun hla takah zin a tum a. Chu rêl-ah chuan Pathian ring lo tu lâr êm êm zînga mi, Colonel Robert Ingersoll-a a tawng hlauh mai a. Kristiante rinna chungchâng sawiin an inkâwm a. Kristiante chu mi â tak, dik lo leh awihawm loh taka che ṭhin an nih thute an sawi a.

Ingersoll-a chuan Wallace-a hnênah, “Ṭhiana, mi fing tak leh lehkhathiam tak i ni a, thil hre zâu tak leh mite pawhin an chung en che i ni a. Engatinge Kristiante rinna dik lohzia leh an Pathian chu Pathian nung anih lohzia te hi ziakin lehkhabu i siam loh le. Chutiang chuan ziak la chu miten an hre lehzual che ang a, chûng lehkhabu chu lehkhabu vâng tak, rotling, mite hlut êm êm a ni dâwn asin.” a ti a.

General Wallace-a chuan uluk takin a ngaihtuah a, ziah a tum ta a. A hmanrua tûrte pawh a la khâwm a, a ziak ta a. Mahse Bung 4-na a ziah thlen chuan Isua Krista chu mi tak tak, hmânlai mi mai mai anih lohzia chu a zirchianna aṭangin a hre ta tlat mai a, leh kum tam tak kal tawhah khân he khawvêla awm a nihziate chu a hre ta zâwk a. Pathian thiltihtheihna a chungah a thleng a, Isua chu chhandamtu atân a pawm a, a lehkhabu ziah lai bulah chuan a ṭhingṭhi a, a nunah lo lût tûrin a sâwm a, a piangthar ta zâwk a ni.

MATTHAIA 16:16
Tin, Simon Peteran, “Krista, Pathian nung Fapa chu i ni,” a ti a, a chhâng a.