RAM CHU LALPA TA A NI

1 CHRONICLES 29:11
“Aw Lalpa , ropuina te, thiltihtheihna te, chawimawina te, hnehna te, lalna te hi i ta a ni a; lei leh vâna awm zawng zawng hi i ta a ni si a; aw Lalpa , ram chu i ta a ni a, mi zawng zawnga chungnung ber i ni.

Lal Davida hian Pathian lalna leh thuneihna hi a dah chungnung thiam hle a. A lalna ram ngei pawh amâ ta ni lovin, Pathian tâ a ni tih hi a pawm dân a ni. Chutiang a nih lai chuan Nebukadnezzara chuan, “He Babulon ropui hi keima chakna ngeia lal chênna hmun atân leh ka ropuina mawina tûra ka siam chu a ni lo vem ni?” (Daniela 4:30) a ti a. An thlîr dân a inanglo hlê mai.

Kan in sakna ram leilung ngei pawh hi Lalpa tâ a ni tih kan hriatreng a pawimawh. Ṭhenawmte ram kan nêk kan nêk hian Lalpa ram nêk kan ni. Mahnin kal nâna hmang si a kal tlang phal loh tih târte hi a mawi lo hlê. Mizoram hi Lalpa tâ a ni a. Hnam dang leh Company lakah pawh kan ram leilung hi kan hralh mai mai tûr a ni lo vang.