PATHIAN KAN HMANGAIH EM?

1 JOHANA 5:3
Pathian kan hmangaihna chu hei hi a ni, a thupêkte kan zawm hi; a thupêkte chu a khirh si lo va.

Nupa inhmangaihna a nih dân tûra kan lan chhuah tîrna pawimawh tak chu thu in awih tawnnaah hian a ni ṭhin. Inneih hnuah nupuiin a pasal duhzâwng leh thupêkte ti duh lovin ama duh dân ang zêlin awm ta ringawt se nupui ṭha leh fel tak a ni thei lo vang a, a pasal tân neih man a awm lo khawp ang.

Chutiang deuh bawk chuan Pathian hi kan hmangaih tak tak a nih chuan a thupêkte kan zawm a, Bible-a a duh dân min hriattîr anga nun mai hi a pawimawh. Thiam taka Pathian hmangaihna sawi vak vak a, mahni duh dân tea khawsak leh ngawt ṭhin ai chuan a thupêk kan zawm mai hi kan tih tûr a ni. A thua kan hmuh ang hian a thupêkte hi tu tân mah a khirh lo va, tu tân mah zawm theih loh tûr khawpa harsa a awm rêng rêng lo a ni.