PETU TÂNA MALSAWMNA

MALAKIA 3:11
“Eiraltu chu ka khapsak ang che u a; Tichuan, in lei rahte chu a tihchhiatsak tawh lo vang che u a, Huana in grêp rah chu a hlam tla ral tawh hek lo vang,” Sipaihote Lalpa chuan a ti.

Pastor pakhat chuan fiamthu ti tak deuhvin, “Sawma pakhat pêk hi a hlâwk êm mai a, chhûngkhat deuh lo phei chu pe tûrin ka hrilh ṭha duh mang lo,” a ti a. Fiamthu mah ni se hei hian sawma pakhat pêk chu a petu tân malsawmna a nihzia a tichiang khawp mai.

Nu pakhat chuan, “Kan chhangchhia a, kan hrisel lo bawk a, bangrel damdawi bûrin a khat a, sawma pakhat kan pêk loh vâng niin ka hre tlat a. Ka pasal phal loh chungin ka pe lui ta a, chuta ṭang chuan kan hrisel phah ta a, pa ber pawhin pêk loh mawlh a hlau tawh zâwk a ni,” a ti. “Pe rawh u; chutichuan, pêkin in awm ang; ṭhahnemngai taka teha, beng muka, sâwi muka, liam zawih zawihin in malchungah an pe ang che u. In tehna ngai bawkin an tehsak leh dâwn si che u a,” (Luka 6:38).