PATHIAN TIH LAWM

GALATIA 1:10
A nih loh leh, mihring nge ka thlêm Pathian? A nih loh leh, mihring em ni tihlâwm ka tum? Mihring tihlâwm tum ni ila, Krista bawih ka ni lo vang.

Kum tam tak kal taah khan Pastor naupang tak hi Kohhran lian taka Pastor ni tûrin a kal dâwn a. Mi tam tak tihlâwm a ngaih dâwn avanga a huphurh leh huphurh loh thu an zâwt a. Ani chuan, “Mi tam tak tilâwm tûrin ka kal dâwn lo va, pakhat tilâwm tûrin alawm ka kal dawn,” a ti e, an ti. He Pastor hi a fakawm hle mai.

Min kotu leh min thlangtu Pathian ai hian kan mihring puite hi hlauh leh venthâwn zâwk mai an awl hle ṭhin. Mihringte hi chu kan hmêl a in an loh ang bawkin kan ngaihdan hi a in ang vek sêng chuang lo va, mi tihlâwm kan tumna lamah hian tute emaw lâwm lovin kan siam tho tho zêl. He Pastor sawi ang hian mi pakhat, Pathian kan tihlâwm hian engkim hi a lo ṭha zâwkin a lo fel mai zâwk dâwn a lo ni. Pathian kan tihlâwm hian Krista bawih dik tak kan lo ni ṭhin.