MI RETHEITE CHUNGA ṬHAT CHHUAH

MATTHAIA 25:40
Tin, Lalber chuan an hnênah, ‘Tihtakmeuhvin ka hrilh a che u, hêng ka unau tê berte zînga mi pakhat chunga in tih chu ka chunga ti in ni,’ tiin a la chhâng ang.

German rama Conrad-a leh Ursula-i te nupa chuan an fa an chân a. An tuar thiam lo hle mai a. Chutih lai vêl chuan mipa naupang pakhat kutdawh hi a lo kal a. A retheih avângin kawr ṭha hâk tûr pawh a nei lo va. Tichuan chu mipa naupang kutdawh chu an enkawl a, lehkha an zirtîr a, mi ropui tak Martin Luther-a hi a lo ni reng mai a ni.

Kan Lal Isua hian mi rethei leh chanhaite leh ṭanpui ngaite chunga ṭhat chhuah tûr hian min zirtîr nasa khawp mai a. Hetiang mite chunga ṭhat chhuah hi a thupêk kan awihna tûr pawimawh tak a ni. Kan ramah pawh hian khai chhuah mai theih, bul ṭanna nei si lo te hi an tam hle. Hetiang lamah hian Kohhrante leh mi hausa leh awm thei zâwkte harh a va hun êm!