NAUPANG NGAIHSAK 3-NA

THUFINGTE 23:13-14
Naupang thunun tîm suh, Tiangin vaw mah la, a thi dâwn si lo va. Tiangin i vua ang a; Tichuan, Seol ata a nunna i chhanchhuak ang.

Tunlai thiamna leh finna lo ṭhang zêl hian sualna a tipung nasa em em a. Nu leh pa tam tak phei chuan an tâna ṭha tûr leh ṭha lo tûr pawh kan thliar hrang thiam lo. An lawm em em Computer games te pawh hi tharum thawha inbeihna leh thisen inchhuahna lam chi phei chu khelh tîr loh a ṭha. Pawisawi lo silaia hâwl chiam ṭhin hote pawh hi han zir chian chuan tharum thawhna lam Games khêl nasa an lo ni ṭhin. Games an khelh nasat lutuk chuan lungphu châwl pawhin an thi thut thei niin hrechiangte chuan an sawi.

Kohhran Sunday School hian kan naupangte mamawh hi a phuhruk zo ta lo hlein a lang hlawm. Nu leh pa ṭhenkhat chuan zirtîr hman pawh ni se a ngaihna hre lo an tam tawh a. Kan Naupang Sunday School bâkah Kohhran hian hun puma naupang zirtîrtu tûr Kohhran tina inrawih kan mamawh ta hlê niin a lang.