AKANA

JOSUA 7:21
Râllâk zînga mi Babulon ram puan ṭha tak leh, tangkarua sekel zahnih leh rangkachak tlang sekel sawmnga bûk ka hmu a, ka awt ta êm a, ka la ta mai a ni. Tin, ngai teh, ka puan in chhûngah leiah thuhrûk a ni a, tangkarua chu chumi hnuaiah chuan a awm,” a ti a.

Pathianin Jeriko hluihlawn thil engmah la lo tûrin a hrilh a; Akana chuan Pathian phal loh chu lain a thukru a. Ai khaw te reuh te, mi tlêm te awmna an han beih khân Akana sualna avangin hmêlma hmaah an tlânchhia a, mi sawmthum leh paruk laiin an thih phah a. A chhûngte leh a neih zawng nên Akor ruamah an dêng hlum a ni. Hluihlawn thil an tihboral hma loh chuan an hmêlmate an hneh theih tiin Pathianin a sawi a ni.

Akana ang hian hluihlawn thil hi kan lo thukru fo lo maw? Ei leh in, sum leh pai, zûk leh hmuam, hmeichhiat mipat nawmchennate hi halral tûr i lo nei ve lo maw?

Tih theih dang rêng ka nei si lo,
Duhthlanna sâng ber hlan mai loh chu.

Lalpa, hluihlawn thilin min tihbuai loh nân ka rilru nei ang che.