VALENTINE’S DAY PUAL

— Chhantea (Oriela patea)
E. Lungdar

VALENTINE’S DAY SPECIAL

JOHANA 3:16
Pathianin khawvêl a hmangaih êm êm a; chutichuan, a Fapa mal neih chhun a pe a, amah chu tu pawh a ring apiang an boral lohva, chatuana nunna an neih zâwk nân.

Thalaite’n kan lawm leh nasa tak a kan hman ṭhin V-day chu kan lo thleng leh dâwn ta, engtin tak chuan hmang leh hlawm tak ang i maw?

Valentine day chu eng nge ni?
A chhânna awlsamte chu hmangaihna lan chhuah tîrna hmun a ni. A lo chhuah dân leh lo chhuah chhante chu kan hre vek awm e, hmangaihtu leh hmangaihte’n lungchim tak a hmangaihna inhlân a, hmangaihte tân a thil ṭha intihsak tawn, inpêk tawn ni pawh kan ti thei ang.

He ni ropui tak Pathianin mihringte a a dah hmangaihna lan chhuah tîrna ni hi nawmchenna ni a ni lo a, nawmsip bâwlna hun lah a ni hek lo. I hmangaih tân thil ṭha ti la, a tân rinawmna nên nung la, a nghahchhan ban rinawm, a rinchhan kulpui ni tûrin i hmangaih nên khân hlim takin hmang tûrin ka va duhsak tehlul che em.

He ni ah hian…

Hmangaihna lem chang suh la, chutiang mi i tawng a nih pawhin kalsan ngam ang che. Hmangaihna lem chuan nawmchenna leh nawmsip bâwlna tûrin i nun a thlêm ang a, kam thlum leh thiam tinrengin a thlêm ang che. Mahse, chu chu he ni hian a tum a ni lo ania. Fimkhur la, i pênsual vawi khat khân dam chhûng a daih thei tih hriain reilote i fimkhur rah kha ṭha takin seng tum ang che.

Hmangaihna dik tak chuan i pârmawina chen a tum lo ang a. Nawmsip bâwlna a thlîrpui hek lo ang che, i tân a theih tâwk a ṭha thilpêk pêk che a tum ang a, i tân i mawina atân i zahawmna atân a lo inpumpêk ang. Chutiang mi nên chuan he hmangaihna inhlan tawnna ni hi hlim takin lo hmang lul teh u.

Pathian hmangaihna chuan bawhchhetu a thilsiamte chhandamna atân a fapa neih chhun min pe a, thihna dân anchhe lak ata min chhandam a, chu hmangaihna aia ropui chu khawvêlah hian a awm thei lo. A awm bawk hek lo ang. Mihringte ni siamchawp he ni hi hlim takin hmang la, Pathian hre reng ang che.

Valentine’s Day chibai ṭha ber ka bûk a che u.

Khawvêlah hian HMANGAIHNA dik aia hlu a awm lo e.