KOHHRAN INPUMKHATNA

KOHHRAN INPUMKHATNA 1

JOHANA 17:20-21
Hênghote tân chauh hian ngensak ka ni lo, an thu avânga kei mi la ring tûrte tân pawh ngensak ka ni bawk e; an zaa pumkhat an nihna tûrin; ka Pa, nang keimaha i awm leh, kei nangmaha ka awm ang bawk hian, anni pawh keimahnia an awmna tûrin; nangin kei mi tîr tih khawvêlin an awih theihna tûrin.

Zirtîrte kha tlêmte mah ni se an inthurual loh châng a awm ve fo niin a lang. Kohhran lo ding chho zêlah pawh inpumkhatna hi kan mamawh tûr a ni tih a hriat avangin Lal Isua hian Pa Pathian hnênah min lo dîlsak a ni ngei ang.

Mizoramah hian Kohhran pâwl hrang 60-70 vêl kan awm niin a hriaten an sawi ṭhin a. Vâna chênho tum tho si lei lama kan inṭhen nasa lutuk hi chu Lal Isua ngaihdân a niin a rinawm loh. Thlarau bo vei aia pâwl lama ṭhahnemngaih hi sual lian tak a tling. Mizo Kristian zawng zawngte Kohhran khata luanza dân kawng dap chhuah thiam a va châkawm êm! Thurin kalsan zâwnga inpumkhatna lama ke kan pên ngam lo a nih pawhin hei aia inpumkhat leh inhrethiam zâwka kal dân kan ngaihtuah hi chu a hun ta hlein a lang.

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy