LALPA DÂN ANG ZÊLIN

LUKA 2:39
Tin, Lalpa dân ang zêla thil zawng zawng an tih zawhin, Galili rama anmahni khua Nazareth-ah chuan an haw leh ta a.

Josefa leh Marin Pathian dân an zâwm a, an naute chu a ni riat niah a serh tanin, vântirhkoh hrilh ang ngeiin Isua tih chu a hmingah an sa a. Mosia dân anga LALPA hnênah hlân tûrin ṭhuro tuak khat/pârva no pahnih talh tûrin Isua chu Jerusalem Temple-ah an hruai a. Sumeona’n Isua a hmuh avângin Pathian hnênah lâwmthu sawiin, mi dang hnênah Isua chanchin a sawi bawk.

Israel mi tam takin Messia chu nghâk mah se, a lo kal chuan an hai lawi si, a pawi hle mai. Keini pawh Pathianin ti tûra min tih kan zawm hian miten Pathian an fakin Chanchin Ṭha hi tihdarhin a lo awm mai dâwn a lo ni.

Isuan min chhandam ta,
Thu awih min zirtîr;
Thlarau min hruai zêl la,
Kan vân kawng panin.

LALPA, Mari leh Josefa anga thu âwihtuah min siam ve rawh.