KOHHRAN LEH RAM RORÊLNA

ROM 13:1
Mi tin an chunga rorêltute thû thuin awm rawh se. Pathian thû lovin tumah rorêltu an awm si lo; rorêltua awmte hi Pathian ruat an ni.

Kohhran chu Krista thisena leite kan ni a, ram rorêlna hi politics aṭanga siam a ni thung. Kristian ramah chuan ṭha taka an kal dun zêl a pawimawh. Pâwn lam hmasâwnna tûr thilah sawrkar-in mawh a phurin hma a la a, chhûng lam nun dân ṭha pâwn lama lang chhuak tûr leh thlarau khawvêl atâna inpeih tûrin Kohhran chuan hmâ a la thung a.

Tirhkoh Paula hian rorêltute thû thua awm tûra min hrilh thu leh Pathian ruat an nih thu min hrilh a. Tirhkoh Petera’n hotute thû thua awm tûra min hrilhna kan hmu bawk (I Pet.2:18). Hetiang a nih lai hian rorêltute hian Pathian duh dânin ro an rêl em? tih erawh chu ngaihtuah tûr a awm. Bible duh dân kalha rorêltuten ro an rêl a, thil an tih chuan Kohhranin a khak ngam tûr a ni ang. Chutiangin, Kohhran mite pawhin vote thlâk leh rorêltute tâna ṭawngṭaisak hi kan tih mâkmawh leh kan bat a ni.