JONATHANA LEH DAVIDA

JONATHANA LEH DAVIDA

1 SAMUELA 18:1
Tin, heti hi a ni a, Saula hnêna thu a sawi zawh chuan Jonathana nunna leh Davida nunna chu a lo inzawm ta chiah mai a; tichuan, Jonathana chuan ama nunna a hmangaih ang chiahin a hmangaih ta a.

Jonathan leh Davida inkâra hmangaihna hi a thûk hle mai. Jonathana chuan ama nunna a hmangaih ang chiaha a hmangaih avângin a lal fapa thuam leh a ralthuam, a tai hrênna thlengin a pe a ni. Saula’n Davida tihhlum a tum avânga ramhnuaiah a tlânchhiat lai pawhin Joanthana chuan a ṭanpui a (1 Sam. 23:17).

Jonathana a thih khân a thlahte chu Davida’n a hmangaihna an chungah a lantîr (2 Sam. 9:7). Davida leh Jonathana inṭhianṭhat dân aṭang hian zirtûr kan nghah hle mai. Ṭhian ṭha Isua chuan amah duh nachâng i hriat loh lai aṭang khân a hmangaih che a, i beidawnna khur aṭangin chhanchhuah che a duh a ni.

Kan Isua ang ṭhian dang rêng an awm lo,
Pakhat mah, pakhat mah!
Kan sual ngaidam thei mi dang an awm lo,
Pakhat mah, pakhat mah!

Ṭhian ṭha chu harsatna tawh laiin a hriat theih.

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy