KOHHRAN ROPUINA

EPHESI 2:19
Chutichuan, tûnah mikhual leh mi châm mai in ni tawh lo va, mi thianghlimte nên chuan tualkhat leh Pathian chhûngte in ni ta zâwk a ni.

Kohhran ropuina tam tak sawi tûr a awm âwm e. Hengte chauh hi han tarlang ila —

1. Khawvêl pâwl leh party ang a ni lo va, Thlarau lam thil a ni.

2. Lal Isua thisena hrinte chauh tel theihna a ni.

3. Puithiam thlah kan nih avangin kan ropui.

4. Min neitu Lal Isua avangin kan ropui a, engkim siamtu neitu kan ni.

5. He leia awm ni mah ila, vana mi thianghlimte nen tualkhat leh Pathian chhûngte kan ni.

6. A rawngbâwl hna thawk leh chhunzawm tûra a thlante kan ni.

7. Vânah in kuta sak loh neitu kan ni a. Rangkachak leh lunghlu tual laia lêng tûr kan ni.

Nakina kan ropuina tûr thlîrin Vân lama rilru nghat chungin a rawng i bâwl zêl ang u.