MALSAWMNA A DAWNTIR

DEUTERONOMY 16:17
Lalpa in Pathianin malsâwmna a dawntîr che u ang zêlin mi tinin an theih ang tâwk an pe tûr a ni.

Thilpêk hi Kristiante rawngbâwlna pawimawh tak a ni. Kohhran ṭiak tîrte pawh khân thilpêk an lo pe ṭhin (Tirh. 11:29-30).

Mi hausain ṭhahnemngai tak leh hah taka an thawh chhuah sa chu pêk chhuah harsa an tiin inkhâwl tam zêl an duh ṭhin. Mi rethei lahin mahni mamawh ngawih ngawih pawh leina nei zo si lova lo pêk ve chu harsa an ti bawk, a tu chuan nge pê ta ang? Bible-ah hian mi tinin a ti tlat mai a, rethei leh hausa tu mah kan bâng thei lo. Pathianin malsawmna min pêk ang zêla pêk lêt chu kan tih tûr a ni (II Kor. 8:12).

A thilpêk sawi hleih theih loh vang hian,
Lalpa chu eng nge ka pêk ve ang?
A fapa pawh ui lova min petu,
Lalpa chu eng nge ka pêk ve ang?

Lalpa’n malsawmna min pêk ang zêlin thilpêk kan pe ve em?