NU LEH PA CHAWIMAWI

KOLOSSA 3:20
Naupangte u, engkimah in nu leh in pate thu zâwm rawh u, chu chu Lalpaah chuan a lâwmawm si a.

Nu leh pa laka fate bat leh tih tûr pawimawh tak chu an thu zawm te, zah taka en te leh chawimawi te a ni a. Mosia dânah chuan nu leh pa vua leh ânchhe lawh chu tihhlum ngei tûr a ni a, fapa luhlul leh hel hmang chu lunga den hlum tûr tih a ni bawk (Exod. 21:15-17; Deut. 21:18-21).

Juda fate chuan zîng thawh veleh an nu leh pate an zahzia entîr nan an kut an fawhsak ṭhin a, chumi hnuah pa thupêk nghâkin pa hmaah an ding ṭhin. An nu leh pate chu Pathian hmuh theihah an ngai a, an thu awih chu Pathian thu awih dân hmasa berah an ngai bawk.

Nu leh pa thawh chhuahsa hmanga rui a, nu leh pa vau khur khur hote nên chuan an kâr a hla hle âwm e! Fate hian kan nu leh pate hi kan chawimawiin kan inhria em aw?