RINNA PHAW LÂK

EPHESI 6:16
Chûng lo pawh chu rinna phaw la ula, chu chuan mi sual thal alh thei zawng zawng chu in timit thei ang.

Rinna hi thil beiseite awm ngeia hriatna, thil hmuh lohte hriat fiahna a ni (Heb 11:1). Rinna lovin ama (Pathian) lawm zâwng mi nih rual a ni lo (Heb 11:6, 1 Kor 13:13). Pathian râlthuam pawimawh rinna phaw kan lâk ngei ngei a ṭul.

Rinna phaw hian thlêmna chi hrang hrang, hlauhna, beidawnna, chiaina, rinhlelhna te a lo dang thei a ni. Rinna chu a pumpuhluma Krista rinna a ni. Krista bula kan kal chuan kan him ṭhin. Krista rinnaah manganna leh hlauhna a bo ṭhin. Rinna phaw nên hmêlma hmachhawn tûrin inpuahchah rawh le.

Ka rinhlelhna Isua hnênah,
Ka pe zo tawh a ni e;
Mualphovin ka awm lo vang a,
A thu ka rin avangin.

LALPA, rinna phaw vuan tlat tûrin min pui ang che.