MIPAT HMEICHHIATNA

ROM 13:13
Chhûna awm angin mawi takin i awm ang u, zu in buai leh zu ruia awm lovin, hur leh inngaih hmanga awm lovin, insual leh inîtsîka awm lovin.

Pathian hian ama anpuiin mipa leh hmeichhiaah min siam a. Inthlah pung zêl thei tûra a siam kan nih avângin mipat hmeichhiatna (sex) mihringah a dah a. Kan taksa pêng dangte ang bawka Pathian mit hmuha mawi leh thianghlim a ni a. Chuvângin, inneihna huang chhûngah chauh hman tûr a ni.

Sex hman sualna hi mi tam takin an pawm zam a, kan Pathian erawh chuan a pawm zam ve ngai lo va, a huat êm avângin nghawng leh rah ṭha lo tak tak a chhuahtîr ṭhîn a; ser reh thei lo leh zahna tam tak a siam a. Chhûngkua, kohhran, khawtlâng leh ram thleng pawha mualphona thlentu a ni a. Thlarau nun, na taka hliamtu leh hremhmun thlenga min hruai thleng theitu Setana hmanraw chak tak a ni.