ISUA A TUI A HAL

JOHANA 19:28
Chumi hnuah chuan Isuan thil engkim tûnah a kim tawh tih a hria a, Pathian Lehkha Thu kha a thlen nân, “Ka tui a hâl e,” a ti a.

Pathian Lehkha Thu a thlen famkim nân, Kraws lêrah Isuan chau takin, ‘Ka tui a hâl e,’ a ti. Uain thûr an pe a.

Tuihâla in tûr awm si loh hrehawmzia kan tawng tawh a nih chuan kan hrethiam mai awm e. Mihringte taksa chanve aia tam daih zâwk hi tui a ni. Kan taksaa tui hi a chhuah tam lutuk chuan khawrona (dehydration) tuarin kan nunna tân pawh hlauhthawnawmin a awm thei. Chaw tel lovin mihring hi rei tak dam thei mah ila, tui tel lo chuan a dam reng theih loh.

Isua hi nang leh keiah hian a tuihâl a ni. Far khat tal kan ni ve dâwn em? Mi dangte Isua tuihâlna tireh tûrin leh ama lam hawi tûrin kan sâwm ve dâwn em?

Tûnah Isuan min dîl fo si,
‘Ka tui a hâl e,’ a tih chu.

Isua tuihâlna tireh turin hma la rawh.