HMANGCHANG (KHAWLAI LENNAAH)

PHILIPPI 1:27-28
Eng pawh ni sela, in awm dân chu Krista Chanchin Ṭha nên inmawi phawt rawh se.

Mizo zîngah ina tawm mai mai thei lo tak, address – khawlai tih mai âwm kan tam ta hle. Khawlai kan lênnaah hêngte hi zawm tum hrâm ila –

1. Bawlhhlawh paih mai mai lovin a bâwmah paih zêl a mawi. Motor changkâng tak chhûng aṭanga thil eina kâwr khawlaia paih chhuah mai maite hi a inhmeh lo. Duh lai laia zunram thiar mai mai hi chîn loh bawk tûr a ni. Khawlai leh kawnga chil chhâk leh hnap hnît mai mai hi chîn loh a ṭha. Vantlâng hmun zahthiam hi a mawi. Kuhva ei ṭhin ten khawlai leh mi banga an chhâk sen nguai ṭhin leh duh lai laia chinai an tât mai mai hi a mawi lo.

2. Khawlai lênnaa mipa leh hmeichhia inkaia kal kher hi a mawi lo. Hnam dang hmuhsit hlawhna lek a ni. Mihring tamnaah a tlara kal lovin inzui ṭhin a ṭha.

3. Khawlaia mi auh vak vak hi chîn loh a ṭha a, mi dang tâna hnawksak leh bengchheng siam lo zâwnga khawsak ṭhin hi a mawi a, Kristian nih nên a inhmeh.