ISUA THIHNA HNEHIN A THO

MARKA 16:6-7
Tichuan, ani chuan an hnênah, “Mangang suh u; Isua, Nazareth mi an khen beh kha in zawng a ni âwm a, a tholeh ta; hetah a awm tawh lo; en teh u, an zalhna hi! Nimahsela, kal ula, a zirtîrte leh Petera hnênah chuan, ‘Galili ramah in hmaah a kal dâwn a; in hnêna a sawi ang ngei khân chutah chuan in hmu ang,’ tiin hrilh rawh u,” a ti a.

Ni sarih ni hmasa berah chuan Mari Magdalini, Mari, Jakoba nu leh Salomi-te chu thlâna rimtui hnawih tûrin an kal a, thlân kawngkaa lung chu lum sawnin an hmu a, vântirhkoh chuan Isua a thawhleh thu a lo hrilh a, zirtîrte hrilh tûra an tlân haw laiin Isuan zirtîr dangte hlau lova hrilh tûrin a ti a (Mt 28:10). Petera leh zirtîr dang pawhin thlân ruak leh puan zai sin leh inhrukna puan an va hmu a (Jn 20:5-8).

Isua a tho leh hi a va thlamuanthlâk êm! Tho leh ta lo se kan thurin leh kan thuhril hi engmah a ni lo vang. Tun damchhûng chauhva Krista chunga beiseina kan neih chuan mi zawng zawnga khawngaihthlâk ber kan ni ang.

Thlân aṭangin a lo tho,
Ropuiin a hmêlma a hneh zo;
A tho ta! A tho ta!
Fak r’u, Isua a tho ta.

LALPA, i thawhlehna ṭâwmpui tûrin min pui ang che.