CHHUNGKAW MAICHAM PAWIMAWHNA
EPHESI 3:14-19
Pa, lei leh vâna chhûngkaw tinrêng hming chawi chhana hmaah chuan ka ṭhingṭhi ṭhîn a…
Dr. N.C. Mears-i chuan, “Kan Kristian nun a tlâkhniam êm êmna chhan chu mi tinte hian chhûng inkhâwm kan thlahthlam êm vâng a ni. Kristianna hi chhûngkuaah kan la lût lo va, chhûngkuaah hian bul ṭan tûr a ni si,” a ti. Kristiante hi vân khua leh tui ni mah ila khawvêla awm kan la nih avângin khawvêl bawlhhlawh laka kan thianghlim nân Pathian kan pâwl fo a pawimawh.
In leh lo ṭha leh sum hmangin chhûngkua kan vêng him zo tawh lo va, sualna leh natna sâng zêlin chhûngkaw tam tak min tirûm a, chhûngkaw maichâm hmanga vân lam nên kan inthlunzawm reng mai a ngai ta a ni. Chhiatna engpawh lo thleng se, kan chhûnglam nun tihchaka a awm zêl theih nân, lei leh vâna chhûngkaw tinrêngte hming chawi chhan, Pa hmâah chhûngkua kan ṭhingṭhit ṭhin a pawimawh êm êm a ni.
