THUPEK HNUHNUNG

MATTHAIA 28:19-20
Chutichuan, kal ula, hnam tina mi zirtîrahte siam ula, Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u.

Lal Isua thusawi a pawimawh leh a khaidingtu ber ni a lang chu – zirtîra siam a ni. Pa leh Fapa leh Thlarau Thianghlim hminga baptis a, thu a pêk pawm tûra zirtîr telin, thilsiam zawng zawng hnêna Chanchin Ṭha hril tûrin min hrilh (Mk 16:15). Isuan thupêk maiah a ti tâwp lo, khawvêl tâwp thleng a kan hnêna awm zêl a intiam hi a thlamuanthlâk a ni.

Kristian tinten hnam tina mi zirtîra siam hi kan tih tûr a ni. A thlâwna Chanchin Ṭha kan hmuh hi a thlâwnin i pe ang u.

Ringtute u, thupêk khauh tak mai kan hmu.
“Kal ula, Chanchin Ṭha hril rawh u,” a ti.
Kal chhuak thei lote pawhin,
Mawhphurhna lian tak kan nei,
Thilpêka rawngbâwl tûrin Lalpan min ko.

Zirtîra siam hna kan thawk dâwn em?