ISAAKA LEH ISUA

GENESIS 22:6
Tin, Abrahama chuan hâlral thilhlanna thing chu a la a, a fapa Isaaka chu a puttîr a; ani chuan mei leh chemtê a keng a; tichuan, an pahnihin an kal dûn ta a.

Isaaka hi a pa Abrahama leh Sari laka lo piang a ni a, a pa kum 100 a niha lo piang a ni. A hming awmzia hi ‘a nui’ tihna a ni a, Mizo hming chuan phuah ila, ‘Nuia’ tih tûr a ni ang. Isaaka hming hi “Thuthlung Tharah vawi 18 vêl târlan a ni a. Isaaka-ah hian Lal Isua Krista hlimthla lo lang a awm nual –

1. Isaaka kha Abrahama leh Sari fapa mal neih chhun a ni angin Isua kha Pathian Fapa mal neih chhun a ni.

2. Amah hlanna tûr thing a pain a puttîr angin Isua pawh amah an khenbehna tûr kraws an puttîr.

3. Abrahaman Isaaka a hlan ngamnaah Pathian lung a awi angin Isua Krista inhlannaah Pa lung a awi.

4. Isaaka-ah khan Abrahama hnêna thutiam tihfamkimna a lo thleng angin Isua Kristaah chuan Pathianin mihringte tâna chhandamna a tiam chu tihfamkimin a lo awm ta a ni.