JUDA ISKARIOTA

JOHANA 13:2,27
²Tin, zanriah ei laiin (chumi hma pawhin Diabolan Simona fapa Iskariot Juda chu, Isua mantîr a rilrûktîr a). 27 Tin, chhang them chu a pêk hnu chuan a chhûngah Setana a lût ta nghâl a. Chutichuan, Isuan a hnênah, “I tih tûr chu ti thuai rawh,” a ti a.

Juda Iskariota hi zirtîrte zîngah sum enkawltu a ni, Marin Isua hriak a thih ṭum pawh khân mi rethei a hmangaih avâng ni lovin, rûkru a nih avângin, “He hriak rimtui hi engati nge duli zathuma hralhin mi rethei hnênah an pêk zâwk loh?” a ti. Juda Iskariota chu Diabolan a thlêm a, thlêm thlûkin a awm ta ngei mai. A inchhîr thu kan hmu a (Mt. 27:3-5), mahse a sim thu erawh chu kan hmu lo, a inâwk hlum, a pawi khawp mai. Simna tel lo inchhîr hian awmzia a nei lo.

Juda angin inchhîr mai a tâwk lo, simin a hnênah kîr ila, thupha i chawi ang u. ‘Kan sualte thupha kan châwi chuan, kan sualte ngaidam tûr leh kan fel lohna zawng zawng tlêng fai tûrin, amah chu a rinawmin a fel a ni’ (1 Jn 1:9).

Thlêmnaah lût suh la, luh chu sual a ni,
Isua lam en fo la, a hruai zêl fo ang che.

LALPA, kan sual pawhin inchhîra simin nangmah pan zêl thei tûrin min pui ang che.